Խչո

Վառ մանկություն ունենալու համար առնվազն մի քանի բան պետք է «վառել»…
Խչոն հիշում է իր «վառե մանկությունը. «Խոտեր են չէ՞ լինում շինությունների կողքին. մենք էլ լուցկի էինք գցում` տեսնելու, թե ու՞մն է շուտ վառվելու… Ու էդպես իմը մի անգամ էնպես վառվեց` էլ ասելու չի… հարևանի գառաժի հետ միասին…»:
Մինչ այդ… Խչոն ծնվել է 1986թ. հոկտեմբերի 6-ին, Երևանում, և ինչպես հավաստի աղբյուրներն են տեղեկացնում (նույն ինքը` Խչոն).«4.5 կիլոգրամ եմ ծնվել, մեծ ու կարմիր թուշիկներով»…

Կարմիր թուշիկները չպահպանվեցին, քանի որ Խչոյի մանկությունն անցավ «մութ ու ցուրտ տարիներին»… Դրա փոխարեն. «Հիշում եմ` ես, եղբայրս ու հայրս ցախ էինք ջարդում Սայաթ-Նովայի տանը, հետո սանկաներով տանում էինք տուն…ու անընդհատ նույնը` մառախուղների միջով, տրամվայի գծերով: Հետո պապիկիս հետ խորոված, քաբաբ էինք անում կլոր կերոսինակայի վրա ու ուտում»:

Հենց այդ տարներն են, որ շատ բան են սովորեցրել երեխաներին. «Հա, օրինակ բլոտ»:
Մութ ու ցուրտ հաշվի չառնելով` Խչոն սկսեց դպրոց հաճախել. «Դպրոցում լավ էի սովորում:Մամաս էլ ծնողկոմիտեի անդամ էր: Ես ակտիվ մշակութային կյանք էի վարում: Դպրոցից ևս «վառ» հուշեր են մնացել. ծնող կանչում էին խմբակային հանցագործության դեպքում: Էդպիսի հանցագործություն արել ենք. մատյանն ենք վառել»:
Լուռումունջ Խչոն որոշեց իրավաբան դառնալ…Սլավոնական համալսարանում, սակայն, նրան ավելի

շատ կարելի էր տեսնել ոչ թե իրավաբանի կարգավիճակում, այլ` ՈՒՀԱ-ի թիմում, ուսանողական խորհրդում, տարբեր կոնֆերանսների… Այնուամենայնիվ, եթե չլիներ իրավաբան դառնալու մեծ ցանկությունը, Խչոն այսօր «32 ատամի» կազմում դժվար թե լիներ. «Ընդգրկվել էի ՈՒՀԱ-ի թիմում:Այն ժամանակ մեզ Կարենն էր այդ հարցերով օգնում: Մի օր էլ Կարենը զանգում է ինձ ու ասում, որ գամ այս ինչ տեղը. հավաքվում ենք: Ես ու Արտակն էլ գնացինք…Էդտեղից սկսվեց «32» պատմությունն իմ կյանքում»:
Մինչ «32»-ի պատմությունը Խչոյի կյանքում շատ հետաքրքիր այլ պատմություններ ևս եղել են…Օրինակ առաջին աշխատավարձի պատմությունը. «Երաժշտական դպրոց էի գնում` շեփորի:Մի օր էլ մի մարդ եկավ` Արամ Խաչատուրյան անունով ու ասաց, որ ինքը ատոմակայանների հիմն է գրել…Մենք էլ` 3 աշակերտ-շեփորահարներս, պետք է նվագենք…»:

Վարձատրությունը 10000 դրամ էր. «Ժամացույց գնեցի ու մինչև հիմա էլ պահպանվում է: Այդ ժամանակ ընդամենը 7-րդ դասարանում էի սովորում»:
Ատոմակայանների հիմնը նվագելիս Խչոն չէր խոսում, չէր սիրում խոսել նաև դպրոցում, տանը…Միայն մի արտահայտություն կա.«Էս ի՞նչ ա…», որի միջոցով, ինչպես ինքն է ասում, կարելի է մի փոքր բացահայտել իր էությունը…
Իսկ ինչու՞ հենց Լուռումունջ. «Ես էլ ,Արտակն էլ հայերերենի հետ կապված խնդիր ունենք: Դրա համար ստիպված էինք մտածել մի բան, որտեղ խոսք չպահանջվեր: Չնայած ոճի առումով սա շատ դժվար է, բայց մեկ է, հետաքրքիր է ու տիպիկ… Ուղղակի դու պետք է կարողանաս հասկացնել, որ ցույց ես տալիս տան դուռ, ոչ թե մեքենայի… հակառակ դեպքում ամեն ինչ կձախողվի»:

Ներկայացված է :Խչո | 8 կարծիք »

8 կարծիք “Խչո”

1. ասաց: Sona

   December 6, 2009 at 3:02 pm

   suuuuuuuuuupeeeeeeeeeeeeeeeer
2. ասաց: Me

   December 7, 2009 at 2:35 pm

   Ay es txayin chem chanachum, nor a?
3. ասաց: Hayarpi

   December 8, 2009 at 1:06 pm

   NOR chi ches hishum en ban@ vor kar e,ha lur u munji ARTAKN u XCHOI michi Xchon a
4. ասաց: sSsoOona

   December 8, 2009 at 4:27 pm

   Xcho jan ba es in4i es bem qich durs galis?????
5. ասաց: Hayarpi

   December 9, 2009 at 1:52 pm

   HA CHISHT A ASUM ES MARD@ XI BEMUM CHES EREVUM???????
6. ասաց: Lilo

   December 20, 2009 at 6:56 am

   xcho mi hat kases Ararm mp3 in vonc comment grem… inch vor texn urisha ira comment neri…
   shhhhhhhaaaaaaaaaaat lllllllllaaaaaaaaavvvvvnnn eeeeeeeeeessssssss
7. ասաց: Lilo

   December 20, 2009 at 6:57 am

   32-um mek@ ka vor vatna???????????
8. ասաց: pinotuar

   December 22, 2009 at 8:22 pm

   ахах
   приятно удивелна с Вашего плейлиста)
   Тирсен хорош как всегда)
   а вообще, песня Визин Темптейшн была в свое время самой любимой)
   у вас тоже можно понастольгировать в плейлисте как у Тиграна)
   спасибо ^^